სტამბოლში, სასამართლოს შენობის წინ პოლიციას რამდენიმე ადამიანმა ცეცხლი გაუხსნა, რის შედეგადაც სამართალდამცველების ორი თავდამსხმელი ლიკვიდირებული ერთი კი დაჭრილია. იუწყება Anadolu
თავდამსხმელებმა, რომლებიც იდენტიფიცირებულნი არიან, როგორც რევოლუციური სახალხო გამათავისუფლებელი პარტიის წევრები, სასამართლოს შესასვლელთან ცეცხლი გაუხსნეს დაცვის თანამშრომლებს.
ინციდენტის შედეგად დაიღუპა ორი თავდამსხმელი, კაცი და ქალი. დაშავდა ექვსი ადამიანი, მათგან სამი სამართალდამცავია.
მესამე თავდამსხმელი, რომელიც დაშავდა, მალევე დააკავეს.
შემთხვევის ადგილზე მივიდა სტამბოლის მთავარი პროკურორი, შინაგან საქმეთა მინისტრმა კი მომხდარის შესახებ კომენტირებისას სამართალდამცავებს მადლობა გადაუხადა გაწეული მუშაობისთვის და დაშავებულებს მალე გამოჯანმრთელება უსურვა.
შეგახსენებთ, იანვრის ბოლოს სტამბოლის ერთ-ერთ ეკლესიაში ტერაქტი მოხდა, რომლის შედეგადაც ერთი ადამიანი დაიღუპა. ტერაქტზე პასუხისმგებლობა ისლამურმა სახელმწიფომ აიღო.
