ბულგარეთის შინაგან საქმეთა სამინისტროს თანამშრომელი რუსეთის სასარგებლოდ ჯაშუშობის ბრალდებით დააკავეს.
მედიის ცნობით, დაკავებულია სამინისტროს ორგანიზებულ დანაშაულთან ბრძოლის გენერალური დირექტორატის ოფიცერი.
როგორც იუწყებიან, ოფიცერმა საიდუმლო ინფორმაცია გადასცა სოფიაში რუსეთის საელჩოს თანამშრომელს.
ბულგარეთის შინაგან საქმეთა სამინისტროს გენერალური მდივნის, ჟივკო კოცევის განცხადებით, დაკავებულზე მიმდინარეობდა თვალთვალი, რათა დაედგინათ მისი კავშირები რუსეთის საელჩოს თანამშრომელთან.
გრძელდება გამოძიება, შინაგან საქმეთა სამინისტროს თანამშრომლის სავარაუდო თანამზრახველის გამოვლენასთან დაკავშირებით.
