პოლონეთის თავდაცვის მინისტრმა და ვიცე-პრემიერმა ვლადისლავ კოსინიაკ-კამიშმა არ გამორიცხა რუსეთის თავდასხმა ნატო-ს ქვეყნებზე უკრაინის დამარცხების შემთხვევაში.
”მე ვუშვებ ყველა სცენარს და მათგან ყველაზე უარესს აბსოლუტურად სერიოზულად ვეკიდები,” - თქვა პოლონეთის თავდაცვის მინისტრმა გამოცემა Super Express-თან ინტერვიუში.
მინისტრის თქმით, პოლონეთის ხელისუფლება სხვადასხვა სცენარისთვის ემზადება, მათ შორის ახლო აღმოსავლეთსა და წყნარი ოკეანის რეგიონში დაძაბული ვითარების გათვალისწინებით.
„ჩვენ უნდა ვიყოთ მზად ყველა სცენარისთვის, ამიტომ ვატარებთ აუდიტს, გამოგვაქვს დასკვნები და ვავსებთ ხარვეზებს, განსაკუთრებით შეიარაღების საკითხში. დიდი შესყიდვები ძალიან მნიშვნელოვანია, მაგრამ ჩემთვის არანაკლებ მნიშვნელოვანია ჯარისკაცების ინდივიდუალური აღჭურვილობა," თქვა მან.
პოლონეთის თავდაცვის მინისტრმა ასევე აღნიშნა, რომ ხელისუფლებაში მოსვლის შემდეგ, ახალმა მთავრობამ გააფორმა კონტრაქტები 19 მილიარდი ზლოტის (4 მილიარდ ევროზე მეტი) ოდენობის იარაღისა და აღჭურვილობის მიწოდებაზე, ძირითადად, პოლონეთის თავდაცვის მრეწველობასთან.
