უნგრეთის პრემიერ-მინისტრ ვიქტორ ორბანის პარტიის წევრებმა ბოიკოტი გამოუცხადეს უნგრეთის პარლამენტის სხდომას, სადაც შვედეთის ნატო-ში გაწევრიანების პროტოკოლის რატიფიცირება უნდა მომხდარიყო, რაც კიდევ უფრო შეაფერხებს სტოკჰოლმში ალიანსის გაწევრიანებას. იტყობინება Bloomberg-ი.
ორბანის პარტია "ფიდესის" წევრები არ დაესწრნენ ორშაბათს დაგეგმილ პარლამენტის სხდომას, რომელზეც უნგრეთის ოპოზიციონერი დეპუტატები გამოდიოდნენ მოწოდებით, მოეხდინათ შვედეთის ნატო-ში გაწევრიანების პროტოკოლის რატიფიცირება.
რატიფიცირების შემდეგი შესაძლებლობა გაჩნდება 26 თებერვალს, როდესაც გაიხსნება უნგრეთის პარლამენტის საგაზაფხულო სესია.
უნგრეთი ნატო-ს ერთადერთი წევრი ქვეყანაა, რომელსაც შვედეთის ჩრდილოატლანტიკურ ალიანსში გაწევრიანების პროტოკოლის რატიფიცირება ჯერ არ მოუხდენია.
ცოტა ხნით ადრე, ორბანმა დაადასტურა, რომ უნგრეთის პარლამენტი მოახდენს შვედეთის ნატოში გაწევრიანების პროტოკოლის რატიფიცირებას, მაგრამ მანამდე სურს, ბუდაპეშტში უმასპინძლოს შვედ კოლგას. ამ უკანასკნელმა უარყო ორბანის მოწვევა და განაცხადა, რომ უნგრეთში პროტოკოლის რატიფიცირების შემდეგ გაეშურება.
