დიდი ბრიტანეთის საგარეო საქმეთა მინისტრმა დევიდ ქემერონმა განაცხადა, რომ ლონდონმა ყველაფერი უნდა გააკეთოს, რათა სხვა ქვეყნები უკრაინის მხარდასაჭერად გააერთიანოს.
„პუტინმა უკვე განიცადა უზარმაზარი სტრატეგიული მარცხი და ჩვენ უნდა შევწყვიტოთ ლაპარაკი ჩიხზე დაიმაზე, რომ დრო არ არის უკრაინის მხარე“, - განაცხადა მან ახლო აღმოსავლეთში ვიზიტის დროს.
ქემერონმა აღნიშნა, რომ გაერთიანებული სამეფოს ეკონომიკა 25-ჯერ აღემატება რუსეთის ეკონომიკას, ამიტომ ნათლად ჩანს, რომ დრო მათ მხარესაა და არა პუტინის.
ბრიტანეთის საგარეო საქმეთა მინისტრმა განაცხადა, რომ შეეცდება ეს გზავნილი დონალდ ტრამპს გადასცეს, თუ ის თეთრ სახლში დაბრუნდება. მან ასევე აღნიშნა, რომ ყველაზე მეტად უკრაინაზე წუხს, რადგან მისივე თქმით, ეს გამოწვევაა მათი თაობისთვის.
"ეს ჰგავს 1930-იან წლებს, როდესაც ჩვენ არ გავაკეთეთ საკმარისი იმისათვის, რომ შეგვეჩერებინა (ნაცისტური გერმანიის) აგრესია... პუტინის შეჭრა უკრაინაში ერთი სახელმწიფოს მეორეში შეჭრის ყველაზე საშინელი მაგალითია", - თქვა ქემერონმა.
ამასთან, მან უარყო პარლამენტის დაზვერვისა და უშიშროების კომიტეტის განცხადება იმის შესახებ, რომ ბრიტანეთმა ვერ შეაფასა რუსეთის საფრთხე მისი 2010-2016 წლების პრემიერობის დროს. ქემერონის თქმით, ლონდონი ხელმძღვანელობდა სანქციების დაწესებას 2014 წელს პუტინის ყირიმში შეჭრის შემდეგ.
„მაშინ ეს იყო ბევრად უფრო რთული არგუმენტი გარკვეული „დაბნეულობის“ გამო, რაც პოლიტიკური კუთხით ხდებოდა უკრაინაში (მას შემდეგ, რაც მაშინდელი პრეზიდენტი იანუკოვიჩი გაიქცა რუსეთში). მაგრამ მე არ ვიყავი დაბნეული... გასაგები იყო, რომ ეს იყო შეჭრა. მაგრამ ამას ართულებდა ის ფაქტი, რომ ევროპაში არსებობდნენ სხვა ქვეყნები, რომლებსაც არ სურდათ სანქციების დაწესება და ზეწოლა {რუსეთზე}“, - თქვა ქემერონმა.
