შეერთებული შტატები აპირებს, გააგრძელოს საპასუხო იერიშის მიტანა ახლო აღმოსავლეთში ირანის მიერ მხარდაჭერილ დაჯგუფებებზე. განაცხადა ეროვნული უსაფრთხოების მრჩეველმა ჯეიკ სალივანმა.
3 თებერვალს, შეერთებულმა შტატებმა და დიდმა ბრიტანეთმა იემენის „ჰუსიტების“ სამხედრო ინფრასტრუქტურის წინააღმდეგ, საჰაერო თავდასხმების მესამე ტალღა დაიწყეს.
2 თებერვალს ამერიკელმა სამხედროებმა დაარტყეს პროინარულ ძალებს ერაყსა და სირიაში.
ჯეიკ სალივანმა არ გამორიცხა და არც დაადასტურა ავიაიერიშების მიტანა უშუალოდ ირანის ტერიტორიაზე არსებულ ობიექტებზე.
„მხოლოდ იმის თქმა შემიძლია, პრეზიდენტი აპირებს გადამწყვეტი პასუხი გასცეს ამერიკელ ხალხზე თავდასხმას. პრეზიდენტი არ ცდილობს ომის გაფართოებას ახლო აღმოსავლეთში“, - თქვა მან ტელეარხ NBC-ის ეთერში.
2024 წლის იანვრის ბოლოს იორდანიაში განთავსებულ ამერიკულ ბაზას დრონებით თავს დაესხნენ. თავდასხმის შედეგად დაიღუპა აშშ-ს არმიის სამი ჯარისკაცი, ხოლო 34-მდე ჯარისკაცი დაიჭრა ან დაშავდა.
აშშ-ს პრეზიდენტმა ჯო ბაიდენმა განაცხადა, რომ თავდასხმა განახორციელა "რადიკალურმა შეიარაღებულმა ჯგუფებმა", რომლებსაც "ირანი უჭერს მხარს".
