ისრელის სხვადასხვა ქალაქში „ჰამასის“ მძევლების გათავისუფლების მოთხოვნით, დემონსტრაციაზე ათასობით ადამიანი გამოვიდა ლოზუნგით „120 დღე მიწის ქვეშ“. ეს იმ დღეების რაოდენობაა, რომლის განმვალობაშიც ტერორისტული დაჯგუფების ტყვეობაში 130-ზე მეტი ადამიანია დარჩენილი.
დემონტრანტები მოითხოვენ გაძლიერდეს ზეწოლა ისრაელის ხელისუფლებზე, რათა მათ გააგრძელონ ძალისხმევა მძევლების გასათავისუფლებლად.
აქციები გაიმართა თელ ავივში, ხაიფაში, ბეერ შევში, იერუსალიმში, ასევე კესარიაში ქვეყნის პრემიერ-მინისტრ ბენიამინ ნეთანიაჰუს სახლთნ. დემონსტრანტებმა, ისევე როგორც წინა აქციებზე, ხელსიუფლებას და კერძოდ ნეთანიაჰუს მოუწოდეს ნებისმიერ ფასად ისრაელელი მძევლები სახლში დააბრუნოს.
გარდა ამისა, თელ ავივში აქციის მონაწილეებმა მოითხოვეს პრემიერ-მინისტრ ბენიამინ ნეთანიაჰუს გადადგომა. მათ ნეთანიაჰუ დაადანაშაულეს იმაში, რომ მისთვის პრიორიტეტს წარმოადგენს არა მძევლების გათავისუფლება, არამედ პოლიტიკურად გადარჩენა.
იანვრის ბოლოს პარიზში, კატარის, აშშ-სა და ეგვიპტის ინიციატივით, გაიმართა მორიგი მოლაპარაკება პალესტინელი პატიმრების გათავისუფლების სანაცვლოდ „ჰამასის“ მძევლების გამოხსნის შესახებ. ნეთანიაჰუს ადმინისტრაციაში მოლაპრაკებას კონსრუქციული უწოდეს, თუმცა განაცხადეს, რომ ისევ არსებობს არსებითი განსხვავებები.
მოსალოდნელია, რომ მოლაპარაკებათა შემდეგი რაუნდი თებერვლის შუ რიცხვებამდე გაიმართება. გამოცემების The New York Times-სა და The Wall Street Journal-ის ცნობებით, ისრაელი და „ჰამასი“ ახლოს არიან შეთნხმებასთან, რომელიც ითვალისწინებს რამდენიმე კვირით ცეცხლის შეწყვეტას, მძევლების გათავისუფლებას დ ღაზის სექტორში ჰუმანიტარული დახმარების გაზრდას.
ამასთან, ისრაელი ვარაუდობს, რომ მძევლებს შორის 30 ადამიანი ცოცხალი აღარ არის.
