აშშ-მა და დიდმა ბრიტანეთმა, მოკავშირეების მხარდაჭერით, იემენში ჰუსიტების წინააღმდეგ მორიგიდარტყმები განახორციელეს. ამის შესახებ აშშ-ის თვადცვის მდივანმა ლოიდ ოსტინმა განაცხადა. იუწყება Associated Press
შაბათს შეერთებულმა შტატებმა და ბრიტანეთმა იემენში ჰუსიტების 36 სამიზნესდაარტყეს იერიშების მეორე ტალღის ფარგლებში, რომელიც მიზნად ისახავს ირანის მიერ მხარდაჭერილი დაჯგუფების შემდგომ გაუვნებელყოფას.
ბოლო პერიოდში დარტყმები ჰუსიტების წინააღმდეგ ხორციელდება იორდანიაში ამერიკულ ბაზაზე დრონით თავდასხმის საპასუხოდ, რომლის დროსაც სამი ამერიკელი ჯარისკაცი დაიღუპა, 34 კი დაიჭრა.
ჰუსიტების სამიზნეები 13 სხვადასხვა ადგილას განადგურდა USS Dwight D. Eisenhower-ის ავიამზიდიდან F/A-18-ტიპისგამანადგურებლების დარტყმების შედეგად.
შეერთებულმა შტატებმა განაცხადა, რომ მისი პასუხი იორდანიაში ამერიკელი ჯარისკაცების დაღუპვაზე არ შემოიფარგლება მხოლოდ ერთი ღამით, ერთი სამიზნით ან ერთი დაჯგუფებით.
თუმცა ჰუსიტები თითქმის ყოველდღიურად ახორციელებენ სარაკეტო და დრონებით იერიშებს წითელ ზღვაში კომერციულ და სამხედრო გემებზე. მათი განცხადებით, არ აპირებენ თავდასხმების შემცირებას.
ოსტინმა განცხადებაში თქვა, რომ "აშშ-ისა და დიდი ბრიტანეთის სამხედროებმა, ავსტრალიის, ბაჰრეინის, კანადის, დანიის, ნიდერლანდების და ახალი ზელანდიის მხარდაჭერით, განახორციელეს დამატებითი დარტყმები სამხედრო ობიექტებზე იემენელი ჰუსიტების მიერ კონტროლირებად რაიონებში".
მისი სიტყვებით, დარტყმები გამიზნულია იმისთვის, რომ კიდევ უფრო შესუსტდეს ირანის მიერ მხარდაჭერილი ჰუსიტების უნარი, განახორციელოს თავისი უგუნური და დესტაბილიზაციის გამომწვევი შეტევები ამერიკულ და საერთაშორისო გემებზე, რომლებიც კანონიერად გადაადგილდებიან წითელ ზღვაში.
„ეს კოლექტიური ქმედება მკაფიო სიგნალს უგზავნის ჰუსიტებს, რომ ისინი შემდგომში კვლავ დაინახავენ შედეგებს, თუ კი არ შეწყვეტენ უკანონო თავდასხმებს საერთაშორისო და სამხედრო-საზღვაო გემებზე“, - განაცხადა ოსტინმა.
