აშშ-ის სახელმწიფო მდივანმა ენტონი ბლინკენმა საბერძნეთის პრემიერ-მინისტრს კირიკის მიცოტაკისს შესთავაზა უკრაინას შეარაღება მიაწოდოს, ვაშინგტონის მიერ 200 მლნ დოლარის დახმარების სანაცვლოდ.
აღნიშნულია, რომ აშშ დინტერესებულია თავდაცვითი პოტენციალით, რომელიც საბერძნეთ შეუძლია უკრაინას გადასცეს ან მიჰყიდოს.
„თუ ეს შესაძლებლობები უკრაინისთვის არის საინტერესო იქნება, ჩვენ შეგვიძლია შევისწავლოთ დამატებითი დაფინანსების შესაძლწებლობა საბერძნეთის არმიისთვის 200 მილიონ დოლარამდე“, - ნათქვამია განცხადებაში.
თავის მხრივ, მიცოტაკისმა საბერძნეთის ეროვნული თავდაცვისა და დიპლომატიისთვის აღნიშნულს მნიშვნელოვანი დღე უწოდა. ამავე დროს, განაცხადა, რომ ბლინკენის წერილი ხაზს უსვამს და აძლიერებს საბერძნეთი-ამერიკის ურთიერთობების გაღრმავებას.
აშშ-ს სახელმწიფო დეპარტამენტმა მანამდე დაუშვა საბერძნეთისთვის ამერიკული F-35 მოიერიშე თვითმფრინავების და მასთან დაკავშირებული აღჭურვილობის მიყიდვის უფლება 8,6 მილიარდ დოლარად.
როგორც უსაფრთხოების საკითხებში თანამშრომლობის სააგენტოს განცხადებაშია ნათქვამი, საუბარია 40-მდე გამანადგურებლის, 42 ძრავის, მართვის სისტემების, სათადარიგო ნაწილების და სხვა აღჭურვილობის შეძენაზე. სააგენტოს განაცახადებით, ამ ტექნიკის მიწოდება არ დააზარალებს აშშ-ს საბრძოლო მზადყოფნას და "არ შეცვლის ძირითად სამხედრო ბალანსს" რეგიონში.
