მოსკოვი ადეკვატურად და ეფექტურად უპასუხებს დასავლეთის ნებისმიერ მცდელობას, კონფისკაცია გაუწიონ საზღვარგარეთ არსებულ რუსულ უძრავ ქონებასა და აქტივებს, – ამის შესახებ აღნიშნულია რუსეთის საგარეო საქმეთა სამინისტროს ინფორმაციაში.
„ჩვენ არაერთხელ განვაცხდეთ დასავლეთის ქვეყნების მიერ საზღვარგარეთ რუსეთის საკუთრების მიმართ ცალმხრივი იძულებითი ზომების უკანონობაზე. ჩვენ არაერთხელ აღვნიშნეთ, რომ რუსეთის ფედერაციის ქონების ჩამორთმევა უკანონოა და არღვევს საერთაშორისო სამართლის ფუნდამენტურ პრინციპებსა და ნორმებს. მათ შორის სახელმწიფოთა სუვერენული თანასწორობას“, - აცხადებენ უწყებაში.
ამასთან, საგარეო საქმეთა სამინისტროში ამბობენ, რომ ასეთი ქმედებები შეიძლება იყოს კვალიფიცირებული მხოლოდ როგორც „სუვერენული უძრავი ქონების აშკარა ხელყოფა და სახელმწიფოს ერთი ჯგუფის მიერ მეორის ქონების ბანალური, აშკარა ქურდობა“.
„ამავდროულად, „კოლექტიური დასავლეთის“ ქვეყნებს შეუძლიათ დარწმუნებულნი იყვნენ, რომ რუსეთის უძრავი ქონების, ისევე როგორც სხვა აქტივების ჩამორთმევის ნებისმიერი მცდელობა აუცილებლად გამოიწვევს ადეკვატურ და ეფექტურ პასუხს“, - აცხადებენ რუსეთის საგარეო უწყებაში.
