ირანი სამხედრო დახმარებას უწევს იემენის "ჰუსიტებს" წითელ ზღვაში ხომალდებზე თავდასხმისთვის. იტყობინება გამოცემა Wall Street Journal-ი წყაროებზე დაყრდნობით.
გამოცემის ინფორმაციით, ირანი აწვდის მეამბოხეებს ბალისტიკურ რაკეტებს, უპილოტო საფრენ აპარატებს და დაზვერვის ინფორმაციას.
ამასთან, იუწყებიან, რომ ირანმა "ჰუსიტების" მხარდასაჭერად სამხედრო მრჩევლები გაგზავნა.
"ირანი სულ უფრო და უფრო მეტ მოწინავე შეიარაღებას აწვდის "ჰუსიტებს", რაც აძლიერებს მათ შესაძლებლობას, ძირი გამოუთხარონ კომერციული ხომალდების მიმოსვლასა და საერთაშორისო ვაჭრობას. ირანმა ასევე მიაწოდა მეამბოხეთა დაჯგუფებას დრონები, რაკეტების დეტალები და შორი მოქმედების რაკეტები.
ამასთან, ირანმა და ლიბანურმა დაჯგუფებამ "ჰეზბოლამ" იემენში გაგზავნეს მრჩევლები, რათა დაეხმარონ ჰუტისებს თავდასხმების დაგეგმვასა და განხორციელებაში", - წერს გამოცემა დიპლომატიურ წყაროებზე დაყრდნობით.
ირანის მიერ მხარდაჭერილი "ჰუსიტები" რეგულარულად უტევდნენ კომერციულ გემებს წითელ ზღვაში მას შემდეგ, რაც რადიკალური ისლამისტური მოძრაობა "ჰამასი" თავს დაესხა ისრაელს 2023 წლის ოქტომბერში. მათი განცხადებით, გააგრძელებენ თავდასხმებს, ვიდრე "ისრაელი ჰამასის წინააღმდეგ ომს არ დაასრულებს.
12 იანვრის ღამეს შეერთებულმა შტატებმა და დიდმა ბრიტანეთმა, ავსტრალიის, ბაჰრეინის, კანადისა და ნიდერლანდების მხარდაჭერით, მასიური დარტყმები განახორციელეს იემენში "ჰუსიტების" სამიზნეებზე.
ვაშინგტონმა "ჰუსიტები" ტერორისტული ორგანიზაციების სიაში დააბრუნა.
