ამერიკულმა კოპორაციამ Apple-მა რუსეთის ბიუჯეტის სასარგებლოდ, ჯარიმის სახით, მილიარდ რუბლზე (1.18 მლრდ რუბლი - 12.3 მლნ დოლარი) მეტი გადაიხადა. იტყობინება რუსეთის ფედერალური ანტიმონოპოლიური სამსახური.
უწყების ინფორმაციით, Apple დაჯარიმდა, რადგან "მან მომხმარებლებს დაუმალა, რომ შესყიდვები App Store-ის გვერდის ავლითაც შეეძლო".
ფედერალურმა ანტიმონოპოლიურმა სამსახურმა კომპანიის ქმედებები მიიჩნია აპლიკაციების ბაზარზე მისი დომინანტური პოზიციის ბოროტად გამოყენებად.
Apple ერთი წლის წინ დააჯარიმეს. ჯარიმა კომპანიამ გადაიხადა 2024 წლის 19 იანვარს, თუმცა სხვა დეტალები უცნობია.
Apple-მა, სხვა არაერთი კომპანიის მსგავსად, რუსეთში საქმიანობა შეწყვიტა უკრაინაში შეჭრისთვის რუსეთის წინააღმდეგ სანქციების ამოქმედების შემდეგ.
