უკრაინის წინააღმდეგ რუსეთის აგრესიული ომის ფონზე, ჩრდილოატლანტიკურმა ალიანსმა გერმანელ და ფრანგ მწარმოებელთან 1,1 მილიარდი ევროს ღირებულების საბრძოლო მასალის შესყიდვის კონტრაქტი გააფორმა.
კონტრაქტი გაფორმდა გერმანულ იარაღების მწარმოებელ კომპანია Junghans Microtec-სა და ფრანგულ Nexter Munitions-თან.
კომპანიები ნატოს მიაწვდიან 115 მილიმეტრიან ჭურვებს. ამ კალიბრის ჭურვები გამოიყენება ფრანგული ჰაუბიცა Caesar-ისა და გერმანული თვითმავალი საარტილერიო დანადგარების Panzerhaubitze-ის მიერ. აღსანიშნავია, რომ ამ ტიპის შეიარაღება გერმანიამ და საფრანგეთმა უკვე მიაწოდეს უკრაინას რუსული აგრესიის მოსაგერიებლად.
ნატოს გენერალურმა მდივანმა, იენს სტოლტენბერგმა აღნიშნა, რომ საბრძოლო მასალა საჭიროა როგორც უკრაინაში გასაგზავნად, ასევე ალიანსის წევრი ქვეყნების ცარილი არსენალის შესავსებად.
მწარმოებლებთან კონტრაქტი ნატოს მხარდაჭერისა და შესყიდვების სააგენტომ (NSPA) გააფორმა. ორივე კომპანიამ უნდა აწარმოოს დაახლოებით 220 000 ჭურვი.
