აშშ-ის ექსპრეზიდენტმა დონალდ ტრამპმა რონ დესანტისს უწოდა "ნამდვილად საოცარი ადამიანი" მას შემდეგ, რაც ფლორიდის გუბერნატორმა აშშ-ის საპრეზიდენტო არჩევნებზე თავისი კანდიდატურა მოხსნა და მხარი დაუჭირა ყოფილ პრეზიდენტს. ტრამპმა მადლობა გადაუხადა დესანტისს.
„მინდა, მივულოცო დესანტისს, არაჩვეულებრივ ადამიანს, მან მართლაც კარგი კამპანია აწარმოა. მან მხარი მე დამიჭირა და სწორედ ამიტომ ვაფასებ მას. მოუთმენლად ველი რონთან და სხვებთან ერთად მუშაობას, რათა დავამარცხოთ თაღლითი ჯო ბაიდენი, რომელმაც ჩვენი ქვეყანა დიდი საფრთხის წინაშე დააყენა. ასე რომ, მინდა, მადლობა გადავუხადო რონს“, - განაცხადა ტრამპმა ნიუ ჰემფშირში სიტყვით გამოსვლისას.
შეგახსენებთ, ფლორდის შტატის გუბერნატორმა, რესპუბლიკელმა რონ დესანტისმა, აშშ-ის საპრეზიდენტო კამპანიაში მონაწილეობა ოფიციალურად შეწყვიტა. ამასთან, განაცხადა, რომ საპრეზიდენტო რბოლაში მხარს დონალდ ტრამპს დაუჭერს.
