ოთხშაბათს გამოქვეყნებულმა ოფიციალურმა მონაცემებმა აჩვენა, რომ ჩინეთის მოსახლეობა ზედიზედ მეორე წელია მცირდება.
ჩინეთის ეროვნული სტატისტიკური სამსახურის მონაცემებით, ქვეყნის მოსახლეობა 1,409 მილიარდს შეადგენს, რაც შარშანდელ მაჩვენებელთან შედარებით 2,08 მილიონი ადამიანით ნაკლებია.
ექსპერტების ცნობით, ეს მაჩვენებელი დაკავშირებულია მზარდ ურბანულ განვითარებასა და რეკორდულად დაბალ შობადობასთან.
ამჟამად შობადობის მაჩვენებელი ჩინეთში 1000 ადამიანზე 6,39-ს შეადგენს, რაც ანტირეკორდს წარმოადგენს.
შობადობის ვარდნა ჩინეთისთვის უცხო არ არის, მით უმეტეს 1980-იან წლებში, როდესაც დაწესდა ერთი ბავშვის პოლიტიკა, იმ დროისთვის ჭარბი მოსახლეობის კონტროლისთვის. ეს პოლიტიკა მთავრობამ 2015 წელს გააუქმა, შეეცადა რა შეეკავებინა მოსახლეობის რაოდენობის ვარდნა. ამასთან, შემოიღო სხვადასხვა მასტიმულირებელი ზომები ოჯახების შექმნის წასახალისებლად. 2021 წელს ჩინეთმა კიდევ უფრო შეარბილა პოლიტიკა, რამაც საშუალება მისცა წყვილებს, ჰყოლოდათ 3 შვილზე მეტი.
მოსახლოების რაოდენობის შემცირება და შობადობის ანტირეკორდული მაჩვენებელი ზრდის შეშფოთებას იმასთან დაკავშირებით, რომ ჩინეთის ეკონომიკა შესაძლოა შემცირდეს.
