იტალია უკვე განიცდის ზარალს წითელ ზღვაში იემენელი „ჰუსიტების“ თავდასხმების გამო. ამის შესახებ ქვეყნის საგარეო საქმეთა მინისტრმა და ვიცე-პრემიერმა ანტონიო ტაიანიმ განაცხადა. იუწყება სააგენტო Nova.
„უკვე ჩანს იემენელი ჰუსიტების“ თავდასხმებით გამოწვეული ეკონომიკური ზიანი, განსაკუთრებით სამხრეთ პორტებისთვის, ასევე გენუაში“, - განაცხადა ტაიანმა.
ტაიანის თქმით, ის უახლოეს დღეებში ახლო აღმოსავლეთს ეწვევა.
„ბოლო დღეებში ველაპარაკე დიდი შვიდეულის წევრი ქვეყნების საგარეო საქმეთა მინისტრებს, რომელთა საერთო მიზანი დეესკალაციაა.
სამწუხაროდ, ძალიან მძიმე ვითარებაა ლიბანში, წითელ ზღვაშო, ჩვენ უნდა უზრუნველვყოთ, რომ კონფლიქტის ესკალაცია არ მოხდეს, რადგან შესაძლოა იტალიას მნიშვნელოვანი ეკონომიკური ზიანი მიადგეს, ჩვენ უნდა ავიცილოთ იგი“, - განაცხადა იტალიის საგარეო საქმეთა მინისტრმა.
