სლოვაკეთის პრეზიდენტი ზუზანა ჩაპუტოვა აცხადებს, რომ უკრაინას აუცილებლად უნდა გადაეცეს სამხედრო დახმარება რუსული აგრესიისგან თავის დასაცავად.
X (Twitter)-ში ჩაპუტოვა გამოეხმაურა რუსეთის მასირებულ იერიშს უკრაინის წინააღმდეგ და მას მორიგი სისასტიკე უწოდა. სლოვაკეთის პრეზიდენტმა აღნიშნა, რომ ოკუპანტებმა უკრაინის ტერიტორიის მიმართულებით გაუშვეს რაკტებისა და დრონების რეკორდული რაოდენობა, რათა ტერორში ამყოფონ მშვიდობიანი მოსახლეობა.
"კიდევ ერთი ახალი წელი, კიდევ ერთი სისასტიკე. საუკეთესო გზა იმის უზრუნველსაყოფად, რომ მოსკოვის აგრესია მომავალ წელს არ გაგრძელდეს, არის უკრაინის უზრუნველყოფა იმ საშუალებებით, რომელიც მას სჭირდება თავის დასაცავად, - თქვა ჩაპუტოვამ.
2 იანვარს, რუსეთის ძალებმა უკრაინის წინააღმდეგ სხვადასხვა ტიპის 99 რაკეტა გაუშვეს, მათგან 72 უკრაინის ძალებმა გაანადგურეს. უკრაინის შეიარაღებული ძალების მთავრასარდალმა ვალერი ზალუჟნიმ განაცხადა, რომ რუსები უტევდნენ სამოქალაქო და კრიტიკულ იფრასტრუქტურას, სამრეწველო და სამხედრო ობიექტებს. მისივე თქმით, მტრის ძირითად სამიზნეს უკრაინის დედაქალაქი წარმოადგენდა.
სექტემბრის ბოლოს სლოვაკეთის რიგგარეშე სპარლამენტო არჩევნებში რობერტ ფიცოს ოპოზიციურმა პარტიამ გაიმარჯვა.
გამარჯვების შემდეგ რობერტ ფიცომ განაცხადა, რომ სლოვაკ ხალხს უკრაიანაზე დიდი პრობლემები აქვს, ამიტომ მათ სლოვაკეთი სამხედრო დახმარებას აღარ გაუწევს. ამასთან, სლოვაკეთის საგარეო საქმეთა სამინისტრომ პირობა დადო, რომ უკრაინულ მხარეს გამნაღმველ სისტემებს გადასცემს.
ზუზანა ჩაპუტოვამ განაცხადა, რომ პატივს სცემს ამ პოზიციას, თუმცა აღნიშნა, რომ უკრაინის დახმარება სლოვაკეთის უსაფრთხოებას ეხება.
ნოემბერში ცნობილი გახდა, რომ სლოვაკეთის პარლამენტმა დაამტკიცა ახალი მთავრობა, რომელიც მხარს უჭერს პროგრამას, რომელიც სხვა საკითხებს შორის ითვალისწინებს უკრაინის სახელმწიფო სამხედრო დახმარების შეწყვეტას.
