უკრაინის პრეზიდენტი ვოლოდიმირ ზელენსკი დიდი ბრიტანეთის პრემიერ-მინისტრს, რიში სუნაკს ტელეფონით ესაუბრა და აცნობა, რომ რუსეთმა ბოლო ხუთი დღის განმავლობაში უკრაინის მიმართულებით სულ მცირე 500 რაკეტა და დრონი გაუშვა. ამის შესახებ ზელენსკი სოციალურ ქსელში წერს.
ზელენსკიმ სუნაკს მადლობა გადაუხადა ბრიტანეთის მნიშვნელოვანი და მრავალმხრივი წვლილისთვის უკრაინის საჰაერო თავდაცვის გაძლიერებაში.
გარდა ამისა, მხარეებმა განიხილეს თავდაცვის სფეროში თანამშრომლობა უკრაინის შეიარაღებული ძალების საჰაერო თავდაცვის გაძლიერების საკითხებზე.
„ჩვენ ასევე შევათანხმეთ პოზიციები უკრაინის „მშვიდობის ფორმულაზე“ დავოსის მრჩეველთა მეოთხე შეხვედრის წინ და განვიხილეთ მზადება გლობალური სამშვიდობო სამიტისთვის და ერთობლივი მუშაობა „მშვიდობის ფორმულის“ კონკრეტულ პუნქტებზე“, - წერს ზელენსკი.
2 იანვარს, რუსეთმა მასირებული სარაკეტო იერიში მიიტანა უკრაინის წინააღმდეგ. უკრაინის შეიარაღებული ძალების მთავრასარდლის ვალერი ზალუჟნის განცხადებით, რუსეთმა უკრაინის მიმართულებით სხვადასხვა ტიპის 99 რაკეტა გაუშვეს, მათგან 72 უკრაინის თავდაცვამ გაანადგურა. ოკუპანტების იერიშს 5 ადამიანი ემსხვერპლა დაშავდა 127.
