იაპონიაში 7,6 მაგნიტუდის სიმძლავრის მიწისძვრის შემდეგ ცუნამის გაფრთხილება გამოცხადდა.
გაფრთხილება, რომელიც გაცემულია ქვეყნის მეტეოროლოგიური სააგენტოს მიერ, მოიცავს იშიკავას, ნიიგატას და ტოიამას დასავლეთ სანაპირო რეგიონებს.
იაპონური მედიის ცნობით, შესაბამისი უწყებები ამოწმებენ ატომურ ელექტროსადგურებს, რათა გამოირიცხოს ყოველგვარი საფრთხე.
მეტეოროლოგიური სააგენტოს პროგნოზით, იშიკავასა და ნოტოს სანაპიროსთან ტალღების სიმაღლემ შესაძლოა 5 მეტრს მიაღწიოს.
მოსახლეობას მოუწოდებენ, სასწრაფოდ გაეცალონ სანაპირო ტერიტორიებს და თავი შეაფარონ შემაღლებულ ადგილებს, ან მაღალსართულებს.
აღნიშნულთან დაკავშირებით, გაფრთხილება გამოსცა სამხრეთ კორეამაც, რომ მიწისძვრის შემდეგ ზღვის დონემ შესაძლოა მოიმატოს აღმოსავლეთ სანაპიროზე ზოგიერთ რაიონში.
