უკრაინული მედიის ინფორმაციით, რუსეთის ძალებმა გასულ ღამეს მასირებული იერიში განახორციელეს კიევზე, ჩამოგდებული დრონები და მათი ნამსხვრევები სამ საცხოვრებელ სახლს მოხვდა. წინასწარი მონაცემებით დაშავდა ორი ადამიანი. ამავდროულად სამხრეთიდან უკრაინის საჰაერო სივრცეში შეიჭრა ღამის განმვალობაში დრონების მეშვიდე ჯგუფი.
კიევის მერის ტელგრამ-არხებზე ვიტალი კლიჩკოს სახელით გავრცელდა ინფორმაცია, რომ უკრაინის დედაქალაქის სოლომენსკის რაიონში „შაჰედის“ ნამსხვრევები მაღალსართულიან საცხოვრებელ სახლს მოხვდა, შედეგად დაშავდა ორი ადამიანი, ერთ-ერთი მათგანი საავადმყოფოში გადაიყვანეს, მეორეს კი სამედიცინო დახმარება ადგილზე გაეწია.
კიევის დარნიცკის რაიონში დრონის ფრაგმენტები მშენებარე კერძო სახლს მოხვდა და ხანძარი გაჩნდა.
კიევის სამხედრო ადმინისტრაციის ცნობით, ხანძარი გაჩნდა სოლომენსკის რაიონში მაღსართილიანი სახლის ზედა სართულზე, „შაჰედის“ ნასმხვრევები მოხვდა გოლოსეევის რაიონში კიდევ ერთ მაღალსართულიან საცხოვრებელ კორპუსს. დაშავებულები არ არიან.
