ჰუსიტების მხრიდან წითელ ზღვაში სავაჭრო გემებზე გახშირებული თავდასხმების გამო, აშშ-ს თავდაცვის მდივანმა, ლოიდ ოსტინმა ოპერაციის დაწყების შესახებ განაცხადა, რომელიც მისი თქმით, ფოკუსირებული იქნება ადენის ყურესა და წითელ ზღვაში უსაფრთხოების გამოწვევებზე.
შეერთებული შტატების თავდაცვის მინისტრ ლოიდ ოსტინის განცხადებით, იემენიდან ჰუთების უგუნური თავდასხმებით გამოწვეული ესკალაცია საფრთხეს უქმნის თავისუფალ ვაჭრობას და უდანაშაულო მეზღვაურებს და არღვევს საერთაშორისო სამართალს.
ოსტინმა, რომელიც რეგიონში ისრაელის იფიციალურ პირებს შეხვდა, განაცხადა, რომ ქვეყნები უნდა გაერთიანდნენ პრობლემის გადასაჭრელად, რომელსაც ქმნის არასახელმწიფო ობიექტი.
ოსტინის თქმით, ოპერაციაში მონაწილეობას მიიღებენ დიდი ბრიტანეთი, ბაჰრეინი, კანადა, საფრანგეთი, იტალია, ნიდერლანდები, ნორვეგია, სეიშელის კუნძულები და ესპანეთი.
ირანის მიერ მხარდაჭერილი ჰუსიტების დაჯგუფება Ansar Allah-ი იემენის ნაწილს აკონტროლებს. ისრაელსა და „ჰამასს“ შორის საომარი მოქმედებების დაწყების შემდეგ, მეამბოხეებმა სამიზნედ გამოაცხადეს ისრაელის გემები, თუმცა, თავს ესხმიან სხვა ქვეყნების სატვირთო გემებსაც.
