ავსტრია დათანხმდა რუსეთის წინააღმდეგ ევროკავშირის სანქციების მე-12 პაკეტზე დაბლოკვის მოხსნას მას შემდეგ, რაც უკრაინამ ავსტრიული ბანკი Raiffeisen-ი "ომის საერთაშორისო სპონსორების" სიიდან ამოიღო.
პირველად ცნობა სანქციების პაკეტის განბლოკვის შესახებ, რადიო თავისუფლების ევროპის ბიუროს რედაქტორმა, რიკარდ იოზვიაკმა გაავრცელა
მან ტვიტერში (X) დაწერა, რომ სანქციათა პაკეტი მომავალ კვირას იქნება მიღებული.
ამავდროულად, Reuters-მა გაავრცელა ინფორმაცია, რომ უკრაინის კორუფციის პრევენციის ეროვნულმა სააგენტომ Raiffeisen-ი ამოიღო შავი სიიდან. ის, რომ ეს შეთანხმება იყო ვენის კომპრომისის ნაწილი, სააგენტოს დაუდასტურა ევროკავშირის წყარომ.
უკრაინული მედია წერს, რომ Raiffeisen-ი არის ერთ-ერთი ყველაზე მნიშვნელოვანი ფინანსური არხი, რომელშიც რუსული ბიზნესი ახორციელებს ტრანზაქციებს დოლარსა და ევროში. ამის წყალობით ბანკი იღებს უზარმაზარ მოგებას, საიდანაც შემდეგ თავისი გადასახადებით აფინანსებს რუსეთის ბიუჯეტს.
