პოლონეთის სეიმმა ნდობა გამოუცხადა მინისტრთა საბჭოს შემადგენლობას, რომელსაც პრემიერ-მინისტრი დონალდ ტუსკი ხელმძღვანელობს.
მთავრობის შემადგენლობას მხარი დაუჭირა 248-მა პოლონელმა დეპუტატმა, წინააღმდეგ 201-მა დეპუტატმა მისცა ხმა.
მთავრობის წევრები 13 დეკემბერს პოლონეთის პრეზიდენტის, ანჯეი დუდას წინაშე ფიცს დადებენ. შემდეგ კი ახალი პრემიერ-მინისტრი დონალდ ტუსკი ბრიუსელში ევროკავშირის ლიდერების სამიტზე დასაწრებად გაემგზავრება.
პოლონეთის სეიმმა პრემიერ-მინისტრად ოპოზიციური კოალიციის ლიდერი დონალდ ტუსკი 11 დეკემბერს აირჩია.
