უკრაინის საჰაერო ძალების წინასწარი ინფორმაციით, საჰაერო თავდაცვამ რუსეთის საოკუპაციო ძალების მიერ კიევის მიმართულებით გაშვებული 8 რაკეტა გაანადგურა. იუწყება "უკრაინსკა პრავდა".
წინასწარი ინფორმაციით, 11 დეკემბერს დილის 4 საათზე რუსმა ოკუპანტებმაა კიევის რეგიონზე სარაკეტო იერიში მიიტანეს.
„საერთო ჯამში, საჰაერო თავდაცვამ გაანადგურა რვა საჰაერო სამიზნე, რომლებიც დედაქალაქისკენ ბალისტიკური ტრაექტორიით მიემრთებოდნენ“, - ნათქვამია საჰაერო თავდაცვის განცხადებაში.
11 დეკემბერს ადგილობრივი დროით, 4:15 საათზე კიევსა და რეგიონში საჰაერო განგაში გამოცხადდა, მანამდე კი უკრაინის დედაქალაქში აფეთქებები მოხდა.
მოგვიანებით ცნობილი გახდა, რომ მტრის რაკეტების ჩამოგდების შედეგად, ნამსხვრევები ჩაცვივდა დედაქალაქის რაიონებში, დაზიანდა საცხოვრებელი სახლის სახურავი, კიევის დარნიცკის რაიონში კი ერთი ადამიანი დაშავდა.
