კატარის განცხადებით, მიღწეულია შეთანხმება ღაზის სექტორში ზავის კიდვ ორი დღით გახანგრძლივებასთან დაკავშირებით. ამის შესახებ BBC წყაროზე დაყრდნობით იუწყება.
მანამდე ისრაელის პრემიერ-მინისტრმა ბენიამინ ნეთანიაჰუმ განაცხადა, რომ მიესალმება ღაზის სექტორში ჰუმანიტარული პაუზის გახანგრძლივების შესაძლებლობას, დღეში დამატებით 10 ისრაელელი პატიმრის გათავისუფლების პირობით.
ცეცხლის შეწყვეტის თითოეული დღის სანაცვლოდ, ისრაელი „ჰამასისგან“ 10 მძევლის გათავისუფლებას ითხოვს. თითოეული გათავისუფლებული ისრაელელი მძევლის ნაცვლად, ისრაელის ხელისუფლება სამ პალესტინელ პატიმარს ათავისუფლებს.
ისრაელის მთავრობის მონაცემებით, ღაზაში ტყვეობაში ამ დრომდე რჩება 7 ოქტომბერს გატაცებული 184 ადამიანი, მათ შორის 14 უცხო ქვეყნის მოქალაქე და 80 ორმაგი მოქალაქეობის მქონე ისრაელელი.
