17 მძევალს შორის, რომელიც „ჰამასმა“ კვირას გაათავისუფლა, იყო ოთხი წლის ისრაელელ-ამერიკელი გოგონა აბიგაილ იდანია, რომელიც ტერორისტებმა 7 ოქტომბერს სამხრეთ ისრაელში თავდასხმის დროს გაიტაცეს.
აბიგაილ იდანი მხოლოდ სამი წლის იყო, როცა მშობლების სახლიდან მძევლად აიყვანეს. მისი მშობლები კი ჰამასის მებრძოლებმა მოკლეს.
„ჰამასის“ ტყვეობაში ყოფნისას გოგონა ოთხი წლის გახდა.
შეერთებული შტატების პრეზიდენტმა ჯო ბაიდენმა თქვა, რომ აბიგაილმა საშინელი ტრავმა განიცადა.
„ჩვენი ერთ-ერთი თანამემამულე, ამერიკელი პატარა გოგონა, სახელად აბიგაილი იყო ღაზიდან დღეს გათავისუფლებულ მძევლებს შორის. აშშ-ის შუამავლობით და ინტენსიური დიპლომატიის მეშვეობით, ის ახლა უსაფრთხოდ იმყოფება ისრაელში. ჩვენ ვაგრძელებთ ზეწოლას და ველოდებით, რომ დანარჩენ ამერიკელებსაც გაათავისუფლებენ. ჩვენ არ შევწყვეტთ მუშაობას, ვიდრე ყველა მძევალი არ დაუბრუნდება ოჯახებს. ჩემი, ჩვენი მიზანია, შევინარჩუნოთ ეს პაუზა, რათა გავაგრძელოთ მძევლების გათავისუფლება და მეტი ჰუმანიტარული დახმარება გაჭირვებულთათვის ღაზაში“, – განაცხადა ჯო ბაიდენმა.
