საბერძნეთის კუნძულ ლესბოსთან სატვირთო გემი ჩაიძირა. დაიღუპა ერთი ადამიანი, 12 კი დაკარგულად არის მიჩნეული. იუწყება Reuters.
არსებული ინფორმაციით მარილით დატვირთულ გემზე ეკიპაჟის 14 წევრი იმყოფებოდა. ხომალდი სტამბოლისკენ მიემართებოდა.
სანაპირო დაცვის ოფიციალურმა წარმომადგენელმა Reuters-ს განუცხადა, რომ ერთი ადამიანი გადაარჩინეს და საავადმყოფოში გადაიყვანეს.
გავრცელებული ინფორმაციით, ეკიპაჟის რვა წევრი ეგვიპტელი იყო, დანარჩენები კი სირიისა და ინდოეთის მოქალაქეები იყვნენ.
