ჰამასმა, ისრაელელი სამხედროებისთვის ღაზის სექტორში 7 ოქტომბერს ისრაელზე თავდასხმის შედეგად გატაცებული მძევლების გადაცემა დაიწყო.
პირველად გაათავისუფლეს ტაილანდის 12 მოქალაქე, რომლებიც ისრაელში სეზონური სამუშაოსთვის იყვნენ ჩასულები. ტაილანდის პრემიერ-მინისტრმა დაადასტურა მათი გათავისუფლება. ამის შემდეგ ღაზის სექტორში წითელი ჯვრის საერთაშირისო კომიტეტის თანამშრომლებს გადასცეს 13 ისრაელელი ქალი და ბავშვი. წითელი ჯვარი მათ ისრაელის სამხედრო პერსონალს გადასცემს.
მძევლებს ღაზის სექტორისა და ეგვიპტის საზღვარზე რაფაჰის საგუშაგოს გავლით ათავისუფლებენ. მათ ხვდებიან ისრაელის თავდაცვის ძალების ჯარისკაცები, ასევე ექიმები და ფსიქოლოგები. იქიდან გათავისუფლებულებს ვერტმფრენით გადაიყვანენ ჰაცერიმის სამხედრო ავიაბაზაზე სამხრეთ ისრაელში და შემდეგ საავადმყოფოებში მოათავსებენ. იქ ისინი შეხვდებიან ოჯახებს და დარჩებიან სამედიცინო მეთვალყურეობის ქვეშ სულ მცირე ორი დღის განმავლობაში. იუწყება გამოცემა Haaretz.
ისრაელი 13 მძევლის სანაცვლოდ დღეს „ჰამასის“ წარმომადგენლებს გადასცემს 39 პალესტინელს, რომლებიც სასჯელს ისრაელის ციხეებში იხდიდნენ. ისინი დღეს გაათავისუფლეს დასავლეთ სანაპიროზე მდებარე ოფერის ციხიდან და წითელი ჯვრის საერთაშირისო კომიტეტის ავტობუსით ღაზის საზღვრამდე წაიყვანეს.
