BBC-ის ცნობით, ღაზის სექტორში ალ-შიფას საავადმყოფო იქ მყოფმა ადამიანებმა თეთრი დროშებით დატოვეს.
„საავადმყოფო ევაკუირებულია. დარჩნენ მხოლოდ მწოლიარე პაციენტები და ექიმების მცირე რაოდენობა“, - იუწყება BBC.
„ჰამასის“ მიერ კონტროლირებადი ღაზის სექტორის ჯანდაცვის სამინისტრო ადასტურებს, რომ შაბათს, გამთენიისას საავადმყოფო ასობით ადამიანმა დატოვა. მათივე ცნობით, შენობში რჩება 120 პაციენტი, ასევე დღენაკლული ჩვილები, რომლებსაც სტაციონალური მკურნალობა ესაჭიროებათ.
მანამდე სააგენტო AFP-მ გაავრცელა ინფორმაცია, რომ ისრაელის თავდაცვის ძალებმა ალ-შიფას საავადმყოფოს ევაკუაციის ბრძანება გასცეს.
თუმცა ისრაელის თავდაცვის ძალებმა უარყვეს აღნიშნული ინფორმაცია.
"დღეს დილით, ისრაელის თვდაცვის ძალებმა დააკმაყოფილა ალ-შიფას საავადმყოფოს დირექტორის თხოვნა, რომ ღაზის მცხოვრებლებს, რომლებიც იქ იმყოფებიან და ევაკუაცია სურთ, უსაფრთხო გზით დატოვონ საავადმყოფო.
ისრაელის თავდაცვის ძალებს არ გაუცია ბრძანება პაციენტების ან სამედიცინო პერსონალის ევაკუაციის შესახებ, ჩვენ შევთავაზეთ, რომ ევაკუაციაში დავეხმარებოდით.
სამედიცინო პერსონალი დარჩება საავადმყოფოში იმ პაციენტების დასახმარებლად, რომლებსაც ევაკუაცია არ შეუძლიათ",- აღნიშნავენ ისრაელის თავდაცვის ძალებში.
მათივე განცხადებით, ალ-შიფას საავადმყოფოს გასულ ღამით დამატებით საკვები, წყალი და ჰუმანიტარული დახმარება მიაწოდა.
