უკრაინული მედიის ცნობით, 18 ნოემბრის ღამეს რუსეთი უკრაინას შაჰედის ტიპის დრონებით თავს დაესხა. უკრაინის საჰაერო ძალებმა 38 დრონიდან 29 ჩამოაგდეს.
„2023 წლის 17 ნოემბრის 20:00 საათიდან 18 ნოემბრის 04:00 საათამდე რუსმა ოკუპანტებმა უკრაინას ჩრდილოეთ და სამხრეთ-აღმოსავლეთის მიმართულებებიდან (კურსკის ოლქი, პრიმორსკო-ახტარსკი - რუსეთის ფედერაცია) შეუტიეს Shahed-ის ტიპის უპილოტო საფრენი აპარატებით, - ნათქვამია უკრაინის საჰაერო ძალების ინფორმაციაში.
მათივე ცნობით, რუსეთმა უკრაინის სხავადსხვა რეგიონზე თავდასხმა რამდენიმე ტალღით განახორციელა.
საჰაერო თავდასხმის მოგერიების ოპერაციაში ჩაერთო ავიაცია, საზენიტო სარაკეტო ძალები, საჰაერო და თავდაცვის ძალების მობილური საცეცხლე ჯგუფები.
შედეგად უკრაინის ძალებმა 29 დრონი გაანადგურეს.
