აშშ-ის სენატმა მთავრობის მუშაობის შეჩერების თავიდან ასაცილებლად დროებითი ბიუჯეტის კანონპროექტი მიიღო, რომელიც ისრაელისა და უკრაინისთვის დამატებით დახმარებას არ ითვალისწინებს.იუწყება CNN
კანონპროექტი, რომელიც მანამდე წარმომადგენელთა პალატამ დაამტკიცა, სენატმა 87 ხმით 11-ის წინააღმდეგ მიიღო, რის შემდეგაც ის ხელმოსაწერად აშშ-ის პრეზიდენტ ჯო ბაიდენს გადაეგზავნა.
ორეტაპიანი დროებითი ბიუჯეტის კანონპროექტი პრიორიტეტული სფეროების დაფინანსების გაგრძელებას 19 იანვრამდე ითვალისწინებს. მათ შორისაა სამხედრო მშენებლობა, ტრანსპორტი, საცხოვრებელი და ენერგეტიკის დეპარტამენტი. დანარჩენი სფეროები კი, რომელსაც გეგმის მეორე ეტაპს მოიცავს, 2 თებერვლამდე დაფინანსდება.
