ერევანს სურს ევრაზიული კავშირის წევრობით ეკონომიკური სარგებელი შეინარჩუნოს, მაგრამ ამავდროულად დგამს არამეგობრულ ნაბიჯებს რუსეთთან მიმართებით. ამის შესახებ განაცხადა საგარეო საქმეთა სამინისტროს სპიკერმა მარია ზახაროვამ.
„ეს რა, ორ სკამზე დაჯდომის მცდელობაა? თუ ეს არის ორ სკამზე დაჯდომის მცდელობა, ეს ნამდვილად არავის მოუტანს სიკეთეს“, - ხაზგასმით აღნიშნა ზახაროვამ.
ზახაროვას თქმით, მოსკოვი სომხეთის ბოლო განცხადებებსა და ნაბიჯებს და მის მოულოდნელ მცდელობებს, დაამყაროს მეგობრობა „კიევის რეჟიმთან“, განიხილავს, როგორც ერთი ჯაჭვის რგოლს. „ყოველივე ამან შესაძლოა, მიგვიყვანოს სომხეთის დამონებამდე, ხოლო დასავლეთის ქმედებები ერევნის მიმართ დაკავშირებულია უკრაინის მიმართულებით წარუმატებელ პოლიტიკასთან“, - თქვა ზახაროვამ.
მისი თქმით, ამ ყველაფრის უკან დასავლეთი დგას.
„დასავლეთს, რომლის გეგმებიც უკრაინაში ჩავარდა, ახლა უნდა სომხეთს ჩაეჭიდოს და რუსეთს ჩამოაშოროს," - განაცხადა ზახაროვამ.
დღეს 15 ნოემბერს, სომხეთის პრემიერ-მინისტრმა ნიკოლ ფაშინიანმა სომხეთის პარლამენტში განაცხადა, რომ "კოლექტიური უსაფრთხოების ხელშეკრულების ორგანიზაცია" სომხეთის ინტერესებს ხშის შემთხვევაში არ იცავს. მან ასევე განაცხადა, რომ სომხეთი უსაფრთხოების გარანტიების ძიებას სხვაგან ეცდება, თუმცა ჯერ გადაწყვეტილი არ აქვს, დატოვებს თუ არა "კოლექტიური უსაფრთხოების ხელშეკრულების ორგანიზაციას."
