ლონდონის პოლიციის განცხადებით, ლონდონში პალეტინელთა მხარდამჭერ აქციაზე 300 000 მომიტინგე გამოვიდა, რომლებიც ღაზაში ცეცხლის შეწყვეტას მოითხოვდნენ.
დღევანდელი აქცია ისრაელსა და ჰამასს შორის ომის დაწყების შემდეგ ყველაზე მასშტაბური აღმოჩნდა.
ამასთან, პროპალესტინური მარშის ორგანიზატორებმა განაცხადეს, რომ მათი შეფასებით, ქუჩებში „800 ათასზე მეტი“ ადამიანი გამოვიდა.
აქციის პარალელურად ბრიტანეთის დედაქალაქში ასევე დემონსტრაცია გამართეს ულტრამემარჯვენე დემონსტრანტებმა, რომლებიც პოლიციას დაუპირისპირდნენ. ვითარება მას შემდეგ გამწვავდა, რაც კონტრაქციის მონაწილეებმა სცადეს პოლიციის ხაზის გარღვევა პროპალესტინური აქციის მახლობლად. მოგვიანებით, ლონდონის პოლიციამ განაცხადა, რომ კონტრაქციის 100-მდე მონაწილე დააკავა მშვიდობის უზრუნველყოფის მიზნით.
