რუსეთის შინაგან საქმეთა სამინისტროს ინფორმაციით, მაჰაჩყალის აეროპორტში არეულობისას 60 ადამიანი დააკავეს. იუწყბა BBC.
უწყების განცხადებით, დაშავდა 9 პოლიციელი, ორი მათგანი საავადმყოფოშია გადაყვანილი.
როგორც დაღესტნის ლიდერმა სერგეი მელიქოვმა ჟურნალისტებს განუცხადა, აეროპორტში არეულობი ა და ანტისემიტური გამოსვლების შედეგად აღძრულია სისხლის სამართლის საქმეები.
დაღესტნის ჯანდაცვის სამინისტროს ინფორმაციით, დაშავებულია 20-ზე მეტი ადამიანი, მათ შორის ორის მდგომარეობა მძიმეა.
შეგახსენებთ, რუსეთში, დაღესტნის დედაქალაქ მაჰაჩყალის აეროპორტის ტერმინალში ადგილობრივები შეიჭრნენ და ისრაელის მოქალაქეებს ეძებდნენ.
მედიის ცნობით, ვრცელდებოდა ინფორმაცია, რომ პროპალესტინელები ისრაელელებზე თავდასხმას აპირებდნენ. თვითმფრინავი ალტერნატიულ აეროპორტში დაეშვა, მაგრამ მგზავრებს, უსაფრთხოების მიზნით, თვითმფრინავში დარჩენა სთხოვეს და შემთხვევის ადგილზე სპეცრაზმი გამოიძახეს.
