"ვარდების რევოლუცია" თავისი შედეგებით ქვეყნის განვითარებისთვის წინგადადგმული ნაბიჯი იყო. ასეთი შედეგი გამოვლინდა სააგენტო "ჯი-ეიჩ-ენის" დაკვეთით საზოგადოებრივი კვლევითი ჯგუფის "GCG"-ის მიერ ჩატარებული გამოკითხვის შედეგად.
გამოკითხული რესპოდენტების 62% მიიჩნევს, რომ "ვარდების რევოლუციამ" ქვეყნის გავითარებისთვის მნიშვნელოვნად წინგადადგმული ნაბიჯი იყო. 21%-ის აზრით, რევოლუციას ქვეყნისთვის მნიშვნელოვნად სასიკეთო ძვრები არ მოუტანია, 17% უარს აცხადებს კითხვაზე პასუხის გაცემისგან.
რესპოდენტების 38% "ვარდების რევოლუციის" შემდგომი პერიოდის ყველაზე დიდ წარმატებად კორუფციის დამარცხებას მიიჩნევს, 23%-ის აზრით, წარმატებული აღმოჩნდა განათლების სისტემის რეფორმა - "ერთიანი ეროვნული გამოცდების" იდეა, 17% კი უპიტრატესობას სამართალდამცავ სფეროში განხორციელებულ რეფორმას _ კერძოდ "პატრულს" ანიჭებს. 16% კი თავის სიმპატიას სხვადასხვა სფეროებზე ანაწილებს, 6-მა პროცენტმა კითხვაზე პასუხს თავი აარიდა.
"ვარდების რევოლუციის" შემდგომი პერიოდის ყველაზე დიდ წარუმატებლობად რესპოდენტების 32% სასამართლზე ხელისუფლების ზეგავლენას ასახელებს, 29% ადამიანის უფლებების დაცვის კუთხით არსებულ პრობლემებს, 24% მედიის თავისუფების კუთხით არსებულ შეზღუდვებს. რესპოდენტების 9%-მა წარუმატებლობად სხვადასხვა პრობლემები დაასახელა, ხოლო 6 პროცენტმა პასუხისგან თავი შეიკავა.
2008 წლის აგვისტოს ომს "ვარდების რევოლუციის" ხელისუფლების პოლიტიკის შედეგად მიიჩნევს გამოკითხულთა 31%, რესპოდენტების 35%-ის აზრით, რუსეთი ნებისმიერი ხელისუფლების პირობეში განახორციელებდა აგრესიას, 34-მა პასუხისგან თავი შეიკავა.
გამოკითხული რესპოდენტების 28% გასაკუთრებულ კმაყოფილებას გამოთქვამს ქვეყანაში კომუნიკაციების _ გზების მშენებლობის გამო, 26% მიიჩნევს, რომ დასაფასებელია ხელისუფლების ქმედება დასახლებული პუნქტების იერსახის მოწესრიგების კუთხით, 19%-ის აზრით მნიშვნელოვანია ხელისუფლების წარმატება ქვეყნაში კრიმინოგენული ვითარების გაუმჯობესების თვალსაზრისით. 17% მიიჩნევს რომ განსაკუთრებული კმაყოფილების საბაბი არ არსებობს. 10%-მა პასუხისგან თავი შეიკავა.
რესპოდენტების 42%-ის აზრით ხელისუფლების შეცდომები მინიმალიზირებული იქნებოდა 2003-2004 წლების სახელისუფლებო გუნდის შენარჩუნების პირობებში. 26% მიიჩნევს, რომ სახელისუფლებო გუნდის შენარჩუნება მოვლენების განვითარებაზე გავლენას ვერ მოახდენდა, ხოლო 32%-ს კითხვაზე პასუხი არ გააჩნია.
გამოკითხვაში მონაწილე რესპოდენტების 27% ხელისუფლებას ურჩევს დაუყონებლივ განახორციელოს სასამართლო სისტემის რეფორმა. 24% მიიჩნევს, რომ აუცილებელია ხელმისაწვდომი სამედიცინო მომსახურეობისათვის ქმედითი ნაბიჯების გადადგმა, 20% რეკომენდაციას იძლევა, რომ ხელისუფლებამ აუცილებლად უნდა გადახედოს საკადრო პოლიტიკას, 18% ადამიანის უფლებებისა და სიტყვის თავისუფების დაცვის კუთხით მოითხოვს რეფორმების გატარებას, 7%-ს ხელისუფლებისადმი სხვადასხვა რეკომენდაციები გააჩნია, ხოლო 4% -მა თვის შეიკავა ხელისუფლებისათვის რაიმე სახის რჩევის მიცემისგან.
ქვეყნის საგარეო პოლიტიკის კუთხით, რესპოდენტების 54% მიიჩნევს, რომ ხელისუფლებამ უნდა გააგრძელოს ევროპულ სტურუქტურებში ინტეგრაციის პროცესი, 27% აზრით. აუციელებელია მყარი პოზიციების მოპოვება კავკასიის რეგიონში, 8% ხელისუფლებას რუსეთთან ურთიერთოების გაუმჯობესებას ურჩევს, ხოლო 11-მა პროცენტმა პასუხისგან თავი შეიკავა.
დღევანდელი გადასახედიდად რესპოდენტები მიიჩნევენ, რომ "ვარდების რევოლუციის" სახეები არიან:
_ მიხეილ სააკაშვილი _ 41%
_ სააკაშვილი, ჟვანია, ბურჯანაძე _ 26%
_ გიგი უგულავა _ 9%
_ გიგა ბოკერია _ 8%
_ ლევან ბერძენიშვილი _ 6%
_ ვანო მერაბიშვილი _ 5%
_ სხვა _ 5%
გამოკითხვაში ჩატარდა ქალაქ თბილიში 15-19 ნოემბერს და მასში მონაწილეობა 857-მა რეპოდენტმა მიიღო.