სრულიად საქართველოს კათოლიკოს პატრიარქის, უწმინდესისა და უნეტარესის ილია მეორის განცხადებით, ყველამ უნდა იცოდეს, რომ აფხაზეთი არ დაგვიკარგავს.
"შევთხოვოთ უფალს, რომ მისი მეოხებით ღმერთმა დალოცოს, გააძლიეროს და გაამთლიანოს საქართველო. საქართველო გამთლიანდება. ჩვენ უნდა ვიცოდეთ, რომ აფხაზეთი არ დაგვიკარგავს. აფხაზეთი ჩვენია. აფხაზეთი დაბრუნდება. ასევე ცხინვალის რეგიონი. უბრალოდ, ჩვენ უნდა გავაძლიეროთ ჩვენი ლოცვები", - ბრძანა უწმინდესმა დღეს 40 სებასტიანელის სახელობის ტაძარში საღმრთო ლიტურგიის დასრულების შემდეგ ქადაგებისას.
ქადაგების შემდეგ უწმინდესმა წმინდა 40 სებასტიანელის სახელობის ტაძრის არქიტექტორი და მშენებლები დალოცა.