ისრაელმა ღაზას სექტორში შესაძლოა, სახმელეთო ოპერაცია აღარ ჩაატაროს. ამის შესახებ ისრაელის თავდაცვის ძალების პრესსპიკერმა რიჩარდ ჰეხტმა განაცხადა.
მისი თქმით, ისრაელის არმია ემზადება ღაზას სექტორის წინააღმდეგ კამპანიის შემდეგი ეტაპისთვის, მაგრამ გეგმები შესაძლოა არ შეესაბამებოდეს მოსალოდნელი სახმელეთო შეტევის გავრცელებულ მოლოდინს.
"ჩვენ ვემზადებით ომის შემდეგი ეტაპებისთვის. ჩვენ არ გვითქვამს, რა იქნება ის. ყველა საუბრობს სახმელეთო შეტევაზე. ეს შეიძლება იყოს რაღაც განსხვავებული", - განუცხადა ვიცე-პოლკოვნიკმა რიჩარდ ჰეხტმა ჟურნალისტებს ბრიფინგზე.
