პაპი ფრანცისკეს წარმომადგენელმა იერუსალიმში, კარდინალმა პიერბატისტა პიცაბალამ განაცხდა, რომ მზად არის „ჰამასის“ მიერ მძევლად აყვანილი ისრაელელი ბავშვების ნაცვლად ტერორისტებს ტყვედ ჩაბარდეს.
„თანახმა ვარ თუ არა? დიახ მზად ვარ, რომ ჩავენაცვლო. ნებისმიერი რამისთვის მზად ვარ, თუ ამან შეიძლება ბავშვები სახლში დააბრუნოს. ჩემი მხრიდან სრული მზადყოფნა იქნება" - თქვა კარდინალმა პიერბატისტა პიცაბალამ.
„ჰამასთან“ წმინდა საყდარის შესაძლო მოლაპარაკებებზე საუბრისას, პიცაბალამ თქვა: „შევთავაზეთ ჩვენი თავი [მოლაპარაკებისთვის], რომ მძევლების დაბრუნება მაინც ვცადოთ“. თუმცა, ეს ინიციატივა წარმატებით არ დასრულდა, „რადგან შუამავლობისთვის საჭიროა მომლაპარაკებლები და ახლა „ჰამასთან“ საუბარი შეუძლებელია“.
კარდინალი პიერბატისტა პიცაბალა რომის კათოლიკე ეკლესიას წარმოადგენს ისრაელში, პალესტინურ ტერიტორიაზე, იორდანიასა და კვიპროსში.
