საქართველოს პრეზიდენტმა გორში პოლიციის ახალი შენობა გახსნა. "ყველგან უკვირთ, როგორ შეიძლება ასეთი დონის პოლიცია, ასეთი აღჭურვილობა, თუნდაც ასეთი ხელფასები. მაგრამ ნუ დაგვავიწყდება, რომ ის ხალხი, ვინც აქ მსახურობს ნამდვილი გმირები არიან. ეს ბიჭები ყოველდღიურად, ყოველგვარი გაზვიადების გარეშე წირავენ სიცოცხლეს, იმისთვის, რომ დაიცვან ჩვენი მოქალაქეების უსაფრთხოება. ეს არის პოლიცია, რომელიც მართლაც გვიცავს", - განაცხადა სააკაშვილმა პოლიციის ახალი შენობის გახსნის ცერემონიაზე.
შეგახსენებთ, რომ მიხეილ სააკაშვილი შიდა ქართლს სტუმრობს. ქვეყნის პირველმა პირმა აღნიშნულის გარდა თბილისი-სენაკი-ლესელიძის სარკინიგზო მაგისტრალის 25-კილომეტრიანი მონაკვეთი და იგოეთისა და ლეხურას ხიდები
გახსნა.
