Reuters-ის ახალი ამბების ოპერატორი სამხრეთ ლიბანში მუშაობის დროს მოკლეს. ამის შესახებ ინფორმაციას თავად საინფორმაციო სააგენტო ავრცელებს.
"ჩვენ ღრმა მწუხარებით შევიტყვეთ, რომ ჩვენი ოპერატორი ისამ აბდალა მოკლეს. ვცდილობთ, მოვიპოვოთ დამატებითი ინფორმაცია, ვმუშაობთ რეგიონის ხელისუფლებასთან და მისი ოჯახისა და კოლეგების გვერდით ვართ", - წერს გამოცემა.
ამასთან, სააგენტოს ცნობით, დაზიანებები მიიღეს Reuters-ის ჟურნალისტებმა თაერ ალ-სუდანიმ და მაჰერ ნაზემაც.
