ნიდერლანდების პრემიერ-მინისტრი მარკ რუტე მოულოდნელი ვიზიტით ოდესაში იმყოფებოდა, სადაც უკრაინის პრეზიდენტ ვოლოდიმირ ზელენსკის შეხვდა.
რუტემ აღნიშნა, რომ ოდესაში იმყოფება ზელენსკის მიწვევთ. მისი თქმით, სურს დაადასტუროს, რომ საშინელი მოვლენები ისრაელსა და ღაზაში უკრაინის მხარდაჭერაზე გავლენას ვერ მოახდენს.
„ჩვენ გავაგრძელებთ უკრაინის მხარდაჭერას იმდენ ხანს, რამდენიც საჭიროა. ამ ზამთარს რუსეთი შეეცდება უკრაინას რაც შეიძლება მეტი ზიანი მიაყენოს. ამიტომ ნიდერლანდები უკრაინას გადასცემენ დამატებით Patriot-ის რაკეტებს, რათა შეძლოს თავი დაიცვას რუსეთის ბარბაროსული თავდასხმებისგან“, - წერს რუტე სოციალურ ქსელ X (Twitter)-ში.
ამასთან, რუტე აღნიშნავს, რომ ვიზიტის ფარგლებში იმყოფებოდა ოდესის პორტში, სადაც ნახა თუ რა ურთულეს პირობებში უწევთ უკრაინელებს მუშაობა. "ნიდერლანდები დაეხმარება უკრაინას საპატრულო კატარღების შეძენაში, რაც ხელს შეუწყობს მარცვლეულის ექსპორტისთვის საზღვაო მარშრუტების დაცვას“, - დასძინა მან.
