საქართველოს პრეზიდენტმა იგოეთისა და ლეხურას ხიდები გახსნა. მანამდე კი ქვეყნის პირველმა პირმა თბილისი-სენაკი-ლესელიძის ავტომაგისტრალის 25-კილომეტრიანი მონაკვეთის პრეზენტაციაში მიიღო მონაწილეობა. სააკაშვილმა მაგისტრალის ხარისხი პირადად შეამოწმა და ფორუმულა 1-ის მანქანით რამდენიმე კილომეტრი ახალ გზაზე პირველმა, პირადად გაიარა.
"ჩვენ უნდა ავაშენოთ დარშიც და ავდარშიც, მით უმეტეს იმ პირობებში, როცა ოკუპანტის სახით დიდი უბედურება გვადგას თავზე", - განაცხადა სააკაშვილმა, რომლის განმარტებითაც, აღნიშნული გზა სოხუმამდეც ჩავა.
"არ უნდა დაგვავიწყდეს, რომ ეს არის თბილისი-სოხუმის მაგისტრალი, ეს გზა ჩვენ სოხუმამდე ჩაგვიყვანს და ოკუპანტები აუცილებლად მოშორდება საქართველოს. ჩვენ ჩავალთ, როგორი წინააღმდეგობაც არ უნდა შეგხვდეს", - განაცხადა სააკაშვილმა.
პრეზიდენტი ავტომაგისტრალის მშენებლობაზე დასაქმებულ მუშებსაც გაესაუბრა.
