კვიპროსში დედაქალქ ნიქოზიაში ქართული სათვისტომოს "ძალა ერთობაშია" დამფუძნებელი ყრილობა გაიმართა.
როგორც "ჯი-ეიჩ-ენს" კვიპროსის რესპუბლიკაში საქართველოს საგანგებო და სულუფლებიანმა ელჩმა ვლადიმერ კონსტანტინიდმა განუცხადა, კვიპროსის რესპუბლიკაში ქართული სათვისტომო დიდი ხანია არსებობს, მაგრამ ის იურიდიულად არ იყო გაფორმებული. განხორციელდა იურიდიული რეგისტრაცია და სათვისტომოს იურიდიული პირის სტატუსი მიენიჭა.
"ყრილობაზე განხილული იყო სათვისტომოს საქმიანობის ორგანიზაციული საკიტხები, მისი ფინანსური უზრუნველყოფის მექანიზმები, გაიხსნა სათვისტომოს ოფიციალური ანგარიში, სადაც მოხდება როგორც შემოწირულობების, ასევე საწევრო შენატანების აკუმულირება", - განუცხადა "ჯი-ეიჩ-ენს" ვლადიმერ კონსტანტინიდმა.
მისივე თქმით ყრილობაზე საუბარი იყო საუბარი იყო პრობლემებზეც, საკვირაო სკოლის ფუნქციონირებაზე.
ყრილობის გადაწყვეტილებით, დეკემბერში გაიმართება სათვისტომოს ხელმძღვანელი ორგანოების არჩევნები.
10 დეკემბრამდე საორგანიზაციო კომიტეტი სათვისტომოს თავმჯდომარეობის მსურველთა განაცხადებს მიიღებს.