ისრაელის სამხრეთითა და ღაზას სექტორში 400-ზე მეტი პალესტინელი მებრძოლია განადგურებული, ათობით კი ტყვედ არის აყვანილი. ამის შესახებ ისრაელის თავდაცვის ძალების პრესსპიკერმა დანიელ ჰაგარმა განაცხადა.
„ამ საათის მდგომარეობით, ისრაელის თავდაცვის ძალები იბრძვიან, მიმდინარეობს წმენდა უამრავ ქალაქში. ყველა ქალაქში უმყოფებიან ისრაელის თავდაცვის ძალები, არ არსებობს ქალაქი, სადაც ისინი არ არიან“, – განაცხადა ჰაგარმა პრესკონფერენციაზე.
მისივე თქმით, ისრაელის თავდაცვის ძალების მიზანია ღაზის საზღვარზე მდებარე ქალაქებიდან ყველა მცხოვრებლის ევაკუაცია, ისრაელის ტერიტორიაზე ბრძოლების დასრულება, უსაფრთხოების ბარიერის დარღვევის გაკონტროლება და ტერორისტების ზონაში დარტყმების გაგრძელება.
