აშშ-ის პრეზიდენტმა ჯო ბაიდენმა ისრაელზე ჰამასის თავდასხმასთან დაკავშირებით განცხადება გააკეთა. ”ამ დილით ვესაუბრე ისრაელის პრემიერ-მინისტრ ნეთანიაჰუს ისრაელზე მიმდინარე საზარელი თავდასხმების შესახებ,” - თქვა მან.
“აშშ ცალსახად გმობს „ჰამასის“ ტერორისტების მიერ ისრაელის წინააღმდეგ თავდასხმას. ნეთანიაჰუს ვუთხარი, მზად ვართ, შევთავაზოთ ყველა შესაბამისი საშუალება ისრაელის მთავრობასა და ხალხს. აშშ აფრთხილებს ისრაელისადმი მტრულად განწყობილ ნებისმიერ სხვა მხარეს, რომელიც ამ სიტუაციაში უპირატესობას ეძებს, ჩემი ადმინისტრაციის მხარდაჭერა ისრაელის უსაფრთხოებისთვის არის მტკიცე და ურყევი. მე და ჯილი ვლოცულობთ ყველა იმ ოჯახისთვის, ვინც დაზარალდა“, – აღნიშნულია ბაიდენის განცხადებაში, რომელსაც თეთრი სახლი ავრცელებს.
მანამდე ისრაელის პრემიერ-მინისტრის ადმინისტრაციამ, რომელიც სატელეფონო საუბრის შესახებ იუწყებოდა, განაცხადა, რომ ბენიამინ ნეთანიაჰუმ "მკაფიოდ განმარტა, რომ საჭირო იქნება ძლიერი და გრძელი კამპანია, რომელსაც ისრაელი მოიგებს".
