ევროკომისიის პრეზიდენტმა ურსულა ფონ დერ ლაიენმა სომხეთს რომის სტატუტის რატიფიცირება მიულოცა. ახლა სომხეთს ქვეყანაში რუსეთის პრეზიდენტის ვლადიმირ პუტინის ჩასვლის შემთხვევაში მისი დაკავება მოუწევს.
ევროკომისიის პრეზიდენტი აღნიშნავს, რომ სომხეთის პარლამენტის გადაწყვეტილების შემდეგ კრემლის ავტოკრატისთვის სამყარო სულ უფრო დაპატარვდა.
„მივესალმები სომხეთის პარლამენტის მიერ სისხლის სამართლის საერთაშორისო სასამართლოს რომის სტატუტის რატიფიცირებას. სომხეთი შეუერთდა 123 სახელმწიფოს, რომლებიც კანონის უზენაესობის ერთგული არიან“, - წერს Twitter (X)-ში, ურსულა ფონ დაერ ლაიენი.
შეგახსენებთ, სისხლის სამართლის საერთაშორისო სასამართლომ რუსეთის პრეზიდენტის, ვლადიმირ პუტინის დაპატიმრების ორდერი 17 მარტს გასცა.
