აშშ-ის კონგრესის მიერ სკანდალური დროებითი ბიუჯეტის მიღების შემდეგ, რომელიც არ ითვალისწინებს უკრაინის დახმარებას, თეთრი სახლი უახლოეს ხანებში გეგმავს უკრაინას სამხედრო დახმარების პაკეტი გადასცეს. ამის შესახებ თეთრი სახლის პრესსპიკერმა კარინ ჟან-პიერმა ბრიფინგზე განაცხადა.

მისი თქმით, დახმარების ახალი პაკეტი მოწოდებულია დაადასტუროს ამერიკის მხრიდან რუსეთის აგრესიის წინააღმდეგ მებრძოლი მამაცი უკრაინელების მიმართ ვალდებულებების  ერთგულება.

 „აი ჩვენი გზავნილი პუტინისთვის. პრეზიდენტმა {აშშ ჯო ბაიდენმა} შექმნა კოალიცია 50-ზე მეტი ქვეყნისგან. მან დახმარება გაუწია უკრაინას... ჩვენ შევკრიბეთ 140-ზე მეტი ქვეყანა, რათა დაეგმო რუსეთის შეჭრა უკრაინაში... უკრაინას მხარს უჭერს ძლიერი, ძალიან ძლიერი საერთაშორისო კოალიცია. და თუ პუტინი ფიქრობს, რომ მას ჩვენზე დიდხანს შეუძლია გაძლება, ის ცდება", - თქვა ჟან-პიერმა.

თეთრი სახლის სპიკერმა ასევე დარწმუნებით თქვა, რომ დროებითი ბიუჯეტის  მიუხედავად, კონგრესში ორპარტიული მხარდაჭერა კიევისთვის შენარჩუნებელია. მისივე თქმით, ამჟამინდელი ადმინისტრაცია აპირებს დაეხმაროს უკრაინას იმდენ ხანს, რამდენიც საჭირო იქნება.