ილჰამ ალიევის განცხადებით, ანტიტერორისტული ღონისძიებების შედეგად აზერბაიჯანმა აღადგინა სუვერენიტეტი.
„რთული რელიეფის პირობებში, მტრის მიერ მრავალი წლის განმავლობაში აშენებული სიმაგრეების არსებობის პირობებში, ჩვენმა სამხედროებმა გამოიჩინეს გმირობა, პროფესიონალიზმი და მოკლე დროში მიაღწიეს მნიშვნელოვან სამხედრო წარმატებებს ყველა მიმართულებით. მთლიანად განადგურდა არმიის მნიშვნელოვანი ნაწილი, რომელიც სომხეთის სახელმწიფოს მიერ უკანონოდ იყო განლაგებული აზერბაიჯანის ტერიტორიებზე. განადგურდა და მწყობრიდან გამოვიდა სამხედრო ტექნიკა“ – განაცხადა ალიევმა.
მისივე თქმით, ოპერაციის დაწყებამდე ყველა სამხედროს მისცა მითითება, მშვიდობიანი მოსახლეობა დაცული ყოფილიყო.
„ჩვენ ამას მივაღწიეთ ზუსტი იარაღის გამოყენებით, ამავდროულად, ჩვენი შეიარაღებული ძალების პროფესიონალიზმის წყალობით, მშვიდობიანი მოსახლეობა სრულიად იყო დაცული. სამხედროებმა მიიღეს ინსტრუქციები, არ მომხდარიყო თავდასხმა სამოქალაქო ინფრასტრუქტურაზე”, – განაცხადა ალიევმა.
