"ჩვენ უნდა ვემზადოთ უკრაინაში ხანგრძლივი ომისთვის", - ამის შესახებ ნატო-ს გენერალურმა მდივანმა იენს სტოლტენბერგმა განაცხადა.
”ომების უმეტესობა მოსალოდნელზე მეტხანს გრძელდება. ჩვენ ყველას გვსურს სწრაფი მშვიდობა, მაგრამ ამავე დროს უნდა ვაღიაროთ, რომ თუ [უკრაინის] პრეზიდენტი ზელენსკი და უკრაინელები შეწყვეტენ ბრძოლას, მათი ქვეყანა აღარ იარსებებს...თუ პრეზიდენტი პუტინი და რუსეთი იარაღს დადებენ, ჩვენ მშვიდობა გვექნება“, - განაცხადა სტოლტენბერგმა.
სტოლტენბერგი დარწმუნებულია, რომ უკრაინა გახდება ალიანსის წევრი და აღნიშნავს, რომ ივლისში, ვილნიუსში ჩატარებული ნატო-ს სამიტი გზას უხსნის უკრაინის უსაფრთხოების გრძელვადიან გარანტიებს რუსული აგრესიის შეკავებისკენ.
