ამერიკის შეერთებულმა შტატებმა იანვარ-ივლისში რუსული სასუქების შესყიდვა რეკორდულ 944 მილიონ დოლარამდე გაზარდა. ამის შესახებ რუსული სააგენტო “რია ნოვოსტი” იტყობინება.
შესყიდვების წინა მაქსიმუმი გასულ წელს დაფიქსირდა, როდესაც შვიდი თვის შესყიდვის ღირებულებამ 900 მილიონ დოლარს მიაღწია. ექსპორტის ღირებულება წელს ხუთი პროცენტით გაიზარდა.'
ამასთან, მედიის ცნობით, რუსეთმა წელს მეორე ადგილი დაიკავა შეერთებული შტატებისთვის სასუქების მიწოდების კუთხით. პირველ ადგილზეა კანადა, რომელმაც შვიდ თვეში 2,8 მილიარდი დოლარის ღირებულების სასუქები მიაწოდა. ხუთეულში ასევე შედის საუდის არაბეთი (484,4 მილიონი დოლარი), ისრაელი (216 მილიონი დოლარი) და კატარი (214,2 მილიონი დოლარი).
